Me rastin e shënimit të 70-vjetorit të Revolucionit Hungarez, Presidentja Gordana Siljanovska Davkova mori pjesë në drekën e punës të shtruar nga Presidenti i Hungarisë, Andras Baca, për krerët e delegacioneve në Budapest.
Ajo e uroi atë për zgjedhjen e tij si President në gusht të këtij viti dhe shprehu gatishmërinë e saj për thellimin e marrëdhënieve maqedonase-hungareze përmes dialogut politik, shkëmbimit të vizitave dhe promovimit të bashkëpunimit ekonomik.
Presidentja Siljanovska Davkova falënderoi Hungarinë për mbështetjen e saj parimore dhe të zëshme për integrimin europian të Maqedonisë dhe angazhimin e saj aktiv brenda “Grupit të Vishegradit”. Ajo theksoi domosdoshmërinë e procesit të besueshëm të zgjerimit, bazuar në meritat që lidhen me kriteret e Kopenhagës.
Gjithashtu, bashkëbiseduesit diskutuan edhe për sfidat aktuale gjeopolitike dhe nevojën për të forcuar multilateralizmin si një mekanizëm për institucione të forta, të cilat do t’u lejojnë shteteve të vogla të marrin pjesë më plotësisht në proceset e vendimmarrjes për çështjet globale.
Presidentja Siljanovska Davkova shprehu pikëpamjet e saj mbi nevojën për reforma të thella të organizatave ndërkombëtare, kalim nga diplomacia reaktive në atë parandaluese si parakusht për përballimin efektiv të krizës globale, si dhe nevojën për zgjerim të Bashkimit Europian me përfshirjen e vendeve të Ballkanit Perëndimor.
