Presidentja Gordana Siljanovska Davkova u takua sot me artistin Velimir Zhernovski dhe kuratorin Tihomir Topuzovski, përpara pjesëmarrjes së tyre në Bienalen e 61-të të Artit në Venedik.
Në këtë takim u shkëmbyen mendime mbi konceptin dhe përgatitjet për pavijonin maqedonas, si dhe zgjidhjen artistike me të cilën do t’i prezantohemi publikut ndërkombëtar, në ngjarjen që ka emocionuar skenën kulturore botërore dhe publikun për dekada të tëra.
Duke respektuar rolin e artit si gjuhë universale dhe fuqinë e diplomacisë kulturore, Presidentja Siljanovska Davkova shprehu interes për procesin e përgjithshëm krijues dhe mesazhet që artisti Zhernovski synon të përcjellë përmes projektit “Pieta në Mbulesat e Urgjencës”.
Bashkëbiseduesit kanë ranë dakord për nevojën urgjente për mbështetje të vazhdueshme institucionale lidhur me artin dhe kulturën, si dhe për rëndësinë e pjesëmarrjes së Maqedonisë në Bienalen e Venedikut, si një mundësi e jashtëzakonshme për përfaqësim të denjë dhe afirmim të potencialit tonë krijues.
Presidentja Siljanovska Davkova theksoi mbështetjen e saj të fortë për krijimtarinë artistike, me theks të veçantë mbi artistët e rinj. Ajo shprehu gatishmërinë e saj që oborri i Kabinetit të jetë një nga vendet ku do të mbahen ngjarje kulturore dhe shfaqje artistike, me qëllim të inkurajimit të artistëve të rinj.
