Presidentja dhe Komandantja Supreme e Forcave të Armatosura Gordana Siljanovska avkova priti sot në takim Gjeneralin Alexus Gregory Grinkevich, Komandant Suprem i Forcave Aleate për Europën.
Për të, vizita e tij zyrtare në vend paraqet konfirmim i interesit dhe angazhimit të NATO-s për ruajtjen e paqes, sigurisë, stabilitetit dhe unitetit në rajon.
Duke elaboruar mbi gatishmërinë e Forcave të Armatosura të Maqedonisë për t’u përballur me sfidat e sigurisë, ajo vuri në dukje kontributin e dukshëm dhe të vlerësuar të Maqedonisë brenda sistemit mbrojtës të NATO-s.
Bashkëbiseduesit theksuan rëndësinë e ndërtimit të Korridorit 8, jo vetëm për qëndrueshmërinë rajonale, por edhe për mbrojtjen kolektive.
Gjenerali Alexus Gregory Grinkevich, si udhëheqës i operacioneve ushtarake të NATO-s, theksoi se SECEUR vlerëson profesionalizmin dhe përkushtimin e Armatës së Maqedonisë, të konfirmuar përmes pjesëmarrjes në misione të shumta paqeruajtëse dhe aktivitete aleate, duke vlerësuar se historia e suksesit maqedonase meriton të paraqitet në Samitin e ardhshëm të NATO-s në Ankara.
