Presidentja Gordana Siljanovska Davkova u takua me Sekretaren e përgjithshme të Këshillit të Evropës, Marija Pejçinoviq Buriq, në margjinat e Konferencës për rindërtimin e Ukrainës, që mbahet në Berlin.
Në këtë takim u bisedua mbi bashkëpunimin me Këshillin e Evropës në proceset kryesore reformuese në vend, për përkushtimin e lartë të përbashkët, si dhe për projektet të cilat nëpërmjet zyrës programore të Këshillit të Evropës në Shkup, realizohen me sukses në fusha të ndryshme, kurse në drejtim të realizimit të aspiratave maqedonase për anëtarësim në Bashkimin Evropian.
Presidentja Siljanovska Davkova, duke folur mbi kapacitetin demokratik të institucioneve tona, i theksoi angazhimet mbi përparimin e të drejtave të njeriut dhe sundimit të të drejtës, si një prej parakushteve themelore mbi përparimin e shoqërisë maqedonase.
Në këtë takim u theksua rëndësia e temës së barazisë gjinore dhe zbatimin e Konventës së Stambollit.
Të dy bashkëfolëset shkëmbyen mendime edhe mbi perspektivën evropiane të rajonit, si dhe për kontributin tonë të rëndësishëm në sigurimin e paqes dhe stabilitetit në Evropë.
