Presidentja Siljanovska Davkova priti sot në takim përfaqësuesit e Këshillit të Ambasadorëve, të udhëhequr nga Presidentja, Ambasadorja Aleksandra Naqeva Ružin. Në këtë takim morën pjesë edhe ambasadorët: Muhamed Halili, Ljupço Arsovski, Iljaz Sabriu, Tihomir Ilievski dhe Ivica Bocevski.
Ata shprehën gatishmërinë e tyre për të bashkëpunuar dhe mbështetur institucionin e Presidentit, duke përcaktuar prioritetet e politikës së jashtme, analizat e pavarura dhe të ekspertëve, debatet publike, këshillat dhe konsultimet mbi çështjet ndërkombëtare.
U identifikuan fushat e mundshme për bashkëpunim të ndërsjellë dhe u ofruan ide, propozime dhe iniciativa, të cilat do të kontribuonin në përforcimin e kapaciteteve të politikës së jashtme të vendit.
Me qëllim të avancimit të diplomacisë maqedonase, bashkëbiseduesit potencuan rëndësinë e emërimit të ambasadorëve të karrierës si zgjedhje e parë, duke theksuar rëndësinë e përvojës së tyre për përfaqësim të përshtatshëm dhe dinjitoz të vendit në botë.
Presidentja Siljanovska Davkova I përshëndeti ambiciet e ambasadorëve për të nxitur dialogun profesional lidhur me çështjet me interes kombëtar dhe shprehu gatishmërinë për komunikim të mëtejshëm. Duke theksuar se imazhi i parë i vendit është më i rëndësishmi, Presidentja Siljanovska Davkova theksoi se përvoja dhe potenciali i anëtarëve të Këshillit mund të paraqet ndihmë e vlefshme në procesin e vendimmarrjeve të caktuara.
Në këtë takim, ajo riafirmoi përpjekjet për përfaqësim të barabartë të grave në diplomaci dhe përfitimet e krijimit të Qendrës Rajonale të Ekselencës për Gratë, Paqen dhe Sigurinë.
Bashkëbiseduesit shkëmbyen mendime lidhur me politikën e jashtme maqedonase, marrëdhëniet me fqinjët, Marrëveshjen e Prespës dhe anëtarësimin e vendit në organizatat ndërkombëtare.
