Presidentja Gordana Siljanovska Davkova, sot e mirëpriti ambasadoren e Mbretërisë së Suedisë, Ami Larson Xhein.
Në këtë takim u shkëmbyen mendime mbi zhvillimin e marrëdhënieve të përgjithshme bilaterale, mbi perspektivat e thellimit të bashkëpunimit zhvillimor, si dhe mbi procesin eurointegrues maqedonas, mbi përparimin e reformave dhe plotësimin e kritereve të Kopenhagës.
Të dyja bashkëfolëset i përshëndetën marrëdhëniet e mira tradicionale politike midis dy vendeve, ndërsa Presidentja Siljanovska Davkova shprehu interes për përforcimin dhe intensifikimin e kontakteve të përgjithshme, përkatësisht dialogut proaktiv politik me Suedinë në nivelin më të lartë.
Presidentja Siljanovska Davkova shprehu falënderim për mbështetjen e vazhdueshme dhe të qëndrueshme nga Suedia për eurointegrimet maqedonase, si dhe mbi ndihmën teknike të deritanishme të përgjithshme për procesin aderues në Bashkimin Evropian dhe shprehi pritjen për bashkëpunimin e mëtejshëm në lidhje me qëllimet strategjike maqedonase.
Në atë drejtim, u shpreh kënaqësia nga bashkëpunimi i vazhdueshëm zhvillimor me Suedinë me qëllim të shkëmbimit të përvojave dhe të përforcimit të kapaciteteve të institucioneve maqedonase, sidomos në fushën e demokracisë, respektimit të të drejtave të njeriut dhe sundimit të ligjit.
Në këtë takim, Presidentja Siljanovska Davkova dërgoi urime me rastin e Festës Kombëtare të Suedisë dhe e theksoi gatishmërinë e saj për thellimin e mëtejshëm të bashkëpunimit në të gjitha fushat në të cilat ka potenciale.
