Në bazë të nenit 4 të Programit të Vullnetarizmit në Kabinetin e Presidentit të Republikës së Maqedonisë së Veriut për vitin 2026, shpallim
THIRJE PUBLIKE
për aplikimin e kandidatëve për vullnetarë
Ftojmë kandidatët e interesuar të aplikojnë në thirrjen publike për vullnetarë në Zyrën Popullore të Presidentit.
Kabineti i Presidentit ka nevojë që të punësojë 10 vullnetarë për të kryer aktivitetet e specifikuara në bazë të Nenit 3 të Ligjit të Vullnetarizmit.
Kandidatët e interesuar duhet të dorëzojnë:
- CV të shkurtër dhe
- letër motivimi
Përzgjidhja e vullnetarëve do të bëhet nga Komisioni i Përzgjidhjes së Vullnetarëve në Kabinet, ndërsa vullnetarët e përzgjidhur do të kontaktohen.
Angazhimi vullnetar bazohet mbi kontratë vullnetarizmi për periudhë deri 6 (gjashtë) muaj. Pas përfundimit të vullnetarizmit, Kabineti i Presidentit nuk është e detyruar t’i punësojë vullnetarët.
Vullnetarët kanë të drejtë për rimbursim të shpenzimeve të ushqimit dhe transportit për në dhe nga vendi i vullnetarizmit në shumën deri në 15% të pagës mesatare mujore në Republikë të paguar për vitin e kaluar.
Afati i fundit për dorëzimin e aplikimeve me dokumentet e kërkuara është 5 (pesë) ditë pune, të llogaritura nga data e publikimit të shpalljes në faqen e internetit të Presidentit, duke përfshirë datën 16.06.2026 deri në orën 15:00.
Kandidatët e interesuar duhet t’i dorëzojnë dokumentet e kërkuara në arkivin e Kabinetit të Presidentit ose përmes postës në adresën e mëposhtme: Kabineti i Presidentit të Republikës së Maqedonisë së Veriut, rr. “Aco Karamanov” nr. 33A, 1000 Shkup (me shenjë: “për thirrjen publike për vullnetarë”).
Aplikimet e vonuara dhe të paplota nuk do të merren në konsideratë.
