Врз основа на член 4 од Програмата за волонтирање во Кабинетот на претседателот на Република Северна Македонија за 2026 година, објавуваме
ЈАВЕН ПОВИК
за пријавување на кандидати за волонтирање
Ги повикуваме заинтересираните кандидати да се пријават на јавниот повик за волонтирање во Народната канцеларија на Претседателот.
Кабинетот има потреба од ангажирање на 10 волонтери за вршење на активности утврдени во член 3 од Законот за волонтерство.
Заинтересирани кандидати треба да приложат:
– кратка биографија и
– мотивационо писмо
Селекцијата на волонтерите ќе ја изврши Комисија за селекција на волонтери во Кабинетот, а селектираните ќе бидат контактирани.
Волонтерскиот ангажман се заснова врз основа на договор за волонтирање за период од најмногу 6 (шест) месеци. По завршување на волонтирањето, Кабинетот на претседателот нема обврска за вработување на волонтерите.
Волонтерите имаат право на надоместок на трошоци за храна и за превоз до и од местото на волонтирањето во висина до 15% од просечната месечна плата во Републиката исплатена за претходната година.
Рокот за доставувањето на пријавите со потребните документи е 5 (пет) работни дена, сметано од денот на објавувањето на огласот на веб страницата на Претседателот, заклучно со 17.06.2026 година до 15:00 часот.
Зaинтересираните кандидати треба да ги достават потребните документи до архивата на Кабинетот на претседателот или пo пошта на следнава адреса: Кабинет на претседателот на Република Северна Македонија, ул. „Ацо Караманов” бр. 33А, 1000 Скопје (со назнака „за јавен повик за волонтери”).
Ненавремените и некомплетните пријави нема да се разгледуваат.
