Me rastin e 1 Majit, Ditës Ndërkombëtare të Punës, Presidentja Gordana Siljanovska Davkova dërgoi urimin e mëposhtëm:
Të nderuar bashkëqytetarë, punëtorë të respektuar,
Edhe këtë vit, 1 Maji na kujton luftën e gjatë, të vështirë, të drejtë dhe dinjitoze të punëtorëve për njohjen e punës si burim dhe krijues i vlerave.
Festa e sotme është provë se revolta vendimtare e punëtorëve për një ditë pune prej tetë orëve, e filluar në Çikago nga mbi 10,000 punëtorë në vitin 1886, dhe pas më shumë se një shekulli, akoma frymëzon dhe bën thirrje për unitet dhe solidaritet midis punëtorëve në luftën për të drejtat e tyre, punëdhënësve për të rishqyrtuar qëndrimin e tyre ndaj tyre dhe atyre në pushtet për të shqyrtuar politikën ekonomike dhe sociale përmes prizmit të demokracisë.
Festimi i Ditës së Punës në mbi 160 vende paraqet moment i vërtetë për t’u përballur me pyetjet ende aktuale: a i respektojmë normat përgjithësisht të pranuara të së drejtës ndërkombëtare të punës?; a jemi vetëm një shtete kushtetues, apo në realitet, një shtet social?; a është drejtësia sociale një ideal apo një realitet?; a vlerësohet siç duhet puna, d.m.th., a shpërblehen punëtorët në mënyrë të drejtë për punën e tyre dhe a mund të përparojnë sipas njohurive dhe përpjekjeve të tyre?; a janë ata të sigurt në vendin e punës?; a ka raste të punës së detyruar dhe pse?; a është çdo punë e disponueshme për të gjithë, në kushte të barabarta?; a ka çdo punonjës të drejtën për leje të paguar ditore, javore dhe vjetore?; cili është qëndrimi i partnerëve kolektivë ndaj marrëveshjeve kolektive dhe së drejtës për grevë?
Gëzimi i të drejtave ekonomike dhe sociale nga punëtorët varet nga përgjigjet e pyetjeve të lartpërmendura, të cilat nga ana tjetër përcaktojnë fushëveprimin dhe cilësinë e të drejtave të tyre kulturore.
Nuk duhet të harrojmë se organizimi sindikal, e drejta për të protestuar dhe dialogu social janë parakushte për një baraspeshë midis interesave ekonomike dhe drejtësisë sociale.
Si presidente e të gjithë qytetarëve, ju kujtoj se kemi detyrim të krijojmë një shoqëri në të cilën puna vlerësohet dhe respektohet, ndërsa të drejtat socio-ekonomike realizohen!
Le t’i trajtojmë punëtorët si kapital të vlefshëm shoqëror, nëse dëshirojmë t’i mbajmë këtu, ose t’i kthejmë në shtëpi. Le të kuptojmë se vetëm punëtorët e kënaqur mund të jenë punëtorë dhe produktivë!
Gëzuar 1 Majin!
