Presidentja Gordana Siljanovska Davkova në ceremoni solemne me nderimet më të larta shtetërore dhe ushtarake priti sot Presidenten e parë të Republikës së Indisë, Drupadi Murmu që është në vizitë zyrtare të vendit.
Takimi ballë për ballë u pasua pas takimit plenar të delegacioneve të Maqedonisë dhe Indisë.
Tema e bisedës ishin marrëdhëniet aktuale maqedonase-indiane, me theks mbi mundësitë e bashkëpunimit në fushën e ekonomisë, arsimit, shkencës, kulturës, turizmit, shëndetësisë dhe transformimit digjital.
Gjithashtu, bashkëbisedueset shkëmbyen mendime mbi situatat globale, duke theksuar nevojën e respektimit të së drejtën ndërkombëtare dhe zgjidhjen paqësore të mosmarrëveshjeve.
Për Presidenten Siljanovska Davkova, vizita paraqet hap i rëndësishëm në zgjerimin dhe përforcimin e bashkëpunimit. Në trashëgiminë e përbashkët njerëzore të Shën Nëna Terezë, si dhe në përvojën e Lëvizjes së të paangazhuarve, ajo njeh themele të forta për një epokë të re në marrëdhëniet maqedonase-indiane.
Sipas saj, pozicioni gjeostrategjik i Maqedonisë, korridoret infrastrukturore dhe qasja e lehtë në tregun europian mund të jenë me interes të veçantë për investitorët indianë.
Presidentja e Indisë, Drupadi Murmu vlerësoi se vizita e saj e parë në vend paraqet moment historik dhe ka shprehur gatishmërinë e saj për një dinamikë të re në partneritetin gjithëpërfshirës midis dy popujve.
Sipas të dyve, dialogu politik dhe bashkëpunimi ndërinstitucional janë parakushte për thellimin e marrëdhënieve të përgjithshme.
