Сиљановска-Давкова ја прими претседателката на косовското Собрание, Хаџиу

27 октомври 2026 | Соопштенија

Претседателката Гордана Сиљановска-Давкова ја прими Албулена Хаџиу, претседателка на Собранието на Република Косово, која престојува во официјална посета на државава.

Таа искажа задоволство од развојот на македонско-косовските односи, коишто се одликуваат со редовен политички дијалог, заеднички стратешки цели и усогласени ставови за меѓународните прашања.

Сиљановска-Давкова укажа дека добрососедството, јакнењето на регионалната соработка и иницијативите како процесот Брдо-Бриони, придонесуваат за поголема почит, разбраност и препознатливост на Западниот Балкан како кредибилен партнер на ЕУ.

Претседателката ја реафирмираше поддршката за евроатлантските аспирации на Косово. Таа уште еднаш порача дека во пристапниот процес кон ЕУ, државите треба да бидат праведно евалуирани, врз основа на Копенхашките критериуми.

Како поранешна пратеничка, за Сиљановска-Давкова улогата на парламентите и парламентарната соработка се клучни за продлабочување на демократските процеси. Таа ја охрабри позитивната динамика, на редовни средби на парламентарците и размена на добрите практики, особено во функција на евроинтеграциските процеси.

Хаџиу се заблагодари за македонското пријателство и солидарност потврдени низ годините. За неа, албанската заедница во земјава има важна улога во добрите меѓусебни односи. Таа истакна дека високо го цени македонскиот придонес за мирот и стабилноста на Косово, преку КФОР и НАТО, како и поддршката за нивното членство во евроатлантските структури.

Обете го поздравија напредокот во развојот на економската соработка и трговската размена, за што е неопходно натамошно унапредување на инфраструктурното поврзување меѓу двете земји и олеснување на царинските процедури.

Соговорничките разменија мислења и за актуелните политички состојби, согласувајќи се дека помирувањето и силниот регионален настап, придонесуваат за европската перспектива на Западниот Балкан и подобра меѓународна позиционираност.

Категории

Categories

Kategori

Последни вести

Latest news

Lajmet e fundit

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

На 27 ноември 2026 година (петок), во хотелот „Инекс Олгица“ во Охрид, ќе се одржи состанок на лидерите на земјите учеснички во Процесот Брдо-Бриони, во организација на претседателката д-р Гордана Сиљановска-Давкова, заедно со претседателката на Република Словенија,...

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Претседателката Гордана Сиљановска-Давкова се обрати и учествуваше на панел-дискусијата на настанот по повод 35-годишнината од осамостојувањето и донесувањето на првиот Устав, во организација на Собранието, ЈНУ Институт за национална историја и Државен архив. [gallery...

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Претседателката Гордана Сиљановска-Давкова имаше воведно обраќање на 20. Форум на медиумите од Југоисточна Европа (SEEMF), што вчера се одржа во Скопје, на тема „Поблиски во регионот, посилни во Европа: Улогата на комуникациите и медиумите во зајакнувањето на имиџот,...

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Претседателката Гордана Сиљановска-Давкова, денеска заедно со 50 шефови на европски држави и влади, учествуваше на Самитот на Европската политичка заедница во Даблин, чија централна тема е „Европа: силна, безбедна и поврзана“. Сиљановска-Давкова се обрати на панел...

Сиљановска-Давкова ќе учествува на деветтиот состанок на Европската политичка заедница во Даблин

Сиљановска-Давкова ќе учествува на деветтиот состанок на Европската политичка заедница во Даблин

Претседателката Гордана Сиљановска-Давкова, денеска, 12 ноември 2026 година, четврток, ќе учествува на деветтиот состанок на Европската политичка заедница во Даблин, Ирска. На настанот, што се одржува во рамки на ирското претседателство со Советот на Европската Унија,...