Select Page

Честитка од претседателот Пендаровски по повод големиот христијански празник Христовото раѓање – Божик

6 јануари 2021 | Соопштенија

Претседателот Стево Пендаровски упати честитка до граѓаните по повод големиот христијански празник Христовото раѓање – Божик. По повод празникот, претседателот Пендаровски упати писма со честитки до поглаварот на Македонската Православна Црква – Охридска Архиепископија, Митрополит Скопски, Архиепископ Охридски и Македонски и на Јустиниана Прима, г.г. Стефан и до претседателот на Црковното претставништво на Евангелско – методистичката црква, Емил Заев.

Почитувани сограѓани,

Би сакал да им го честитам Божик на сите христијани кои го прославуваат денот на христовото раѓање.

Ви посакувам, деновите од празникот да ги минете во добро расположение, во мир, спокојство и радост. Божик е празник кој традиционално го славиме со најблиските и кога нашите домови се исполнети со луѓе со добра мисла. Но, годинава Божик го празнуваме во поинаква атмосфера, предизвикана од пандемијата поради што треба доследно да ги почитуваме пропишаните мерки за заштита.

Меѓутоа, тоа не не спречува да си посакаме убави работи. Да ги оставиме настрана гневот и омразата. Да комуницираме со другите луѓе со јазикот на љубовта, да си простуваме и да си помагаме. Да бидеме солидарни и сплотени. Само така ќе можеме да излеземе како победници не само во борбата со пандемијата, туку, и со сите други проблеми и потешкотии со кои животот не соочува.

Во вакви времиња, потребна ни е верба, позитивна енергија и меѓусебно почитување. Божикните празници нека бидат дополнителен мотив да истраеме наспроти сите искушенија. Од светлината и топлината на овој празник да црпиме сила, надеж и добра волја за да создадеме подобра сегашност и посреќна иднина.

Христос се роди!
Вистина се роди!
Нека е за многу години!

Претседателот Пендаровски покровител на „2021–Година во чест на Блаже Конески“

Претседателот Пендаровски покровител на „2021–Година во чест на Блаже Конески“

На иницијатива на претседателот  Стево Пендаровски,  денеска се одржа координативен состанок по повод усвојувањето на Националната програма за реализација на манифестацијата „2021-Година во чест на Блаже Конески“, чиј покровител е претседателот Пендаровски, а носители...

Одбележување на 17-годишнината од загинувањето на претседателот Борис Трајковски и членовите на делегацијата

Одбележување на 17-годишнината од загинувањето на претседателот Борис Трајковски и членовите на делегацијата

Претседателот Стево Пендаровски денеска положи свежо цвеќе на гробот на претседателот Борис Трајковски во Алејата на великаните на градските гробишта „Бутел“ во Скопје, по повод одбележувањето на 17-годишнината од загинувањето на Трајковски во Ротимље, во близина на...

Средба на претседателот Пендаровски со претставници на Главниот одбор на Сојузот на борците од НОАВМ 1941-1945

Средба на претседателот Пендаровски со претставници на Главниот одбор на Сојузот на борците од НОАВМ 1941-1945

Претседателот Стево Пендаровски денеска прими делегација на Сојузот на борци од НОАВМ 1941-1945, составена од претседателот на Главниот одбор на сојузот, Никола Стојановски и потпретседателот Борко Зафировски.   Делегацијата од...

Средба на претседателот Пендаровски со стопанските комори од Платформата за јавно-приватен дијалог

Средба на претседателот Пендаровски со стопанските комори од Платформата за јавно-приватен дијалог

Претседателот Стево Пендаровски денеска ги прими претседателите на четирите стопански комори коишто се дел од Платформата за јавно-приватен дијалог. На средбата, претседателите на коморите на претседателот Пендаровски му ги...

Pin It on Pinterest