Претседателот Стево Пендаровски, денеска на проштална средба ја прими амбасадорката на Федеративна Република Бразил, Мариjа Едилеуза Фонтенеле Реис.
На средбата беше изразено задоволство од соработката на двете држави во рамки на меѓународните организации и беше посочено дека споделуваме заеднички вредности, особено во дипломатијата, мирното решавање на споровите и почитување на владеењето на правото.
Двајцата соговорници констатираа дека и покрај географската оддалеченост меѓу двете пријателски земји постои потенцијал за развивање на меѓусебните односи, особено во доменот на економијата и на инвестициите, како и во областа на културата и туризмот.
Заблагодарувајќи се за дипломатскиот ангажман и придонес на бразилската амбасадорка, претседателот Пендаровски и посака личен и професионален успех во иднина.