Претседателката Гордана Сиљановска-Давкова, утре – 29 април 2026 година, среда, ќе го пречека претседателот на Швајцарската Конфедерација, Ги Пармелан, кој ќе престојува во официјална посета на земјава.
Швајцарскиот претседател ќе биде пречекан со највисоки државни и воени почести на церемонија во Кабинетот на претседателот, по што ќе следи тет-а-тет средба на претседателите, а потоа и пленарен состанок на македонската и швајцарската делегација.
Претседателот Пармелан ќе положи венец на гробот на Гоце Делчев во црквата „Св. Спас“ во Скопје.
ПРОГРАМА: среда, 29 април 2026 година
- 10:30 часот – Официјална церемонија на пречек со највисоки државни и воени почести
- 10:45 часот – Тет-а-тет средба
- 11:05 часот – Пленарен состанок на делегациите
- 11:50 часот – Заедничка прес-конференција на претседателката Сиљановска-Давкова и претседателот Пармелан
- 12:45 часот – Положување на венец на гробот на Гоце Делчев од страна на претседателот на Швајцарската Конфедерација, Ги Пармелан.
Ги покануваме акредитираните медиумски екипи во Кабинетот на претседателот во 10:00 часот.
