Претседателот Стево Пендаровски во СУГС гимназија „Никола Карев“ во Скопје се сретна со членовите на рок бендот „Црно Собрание“ и нивната менторка, професорката по музичка уметност, Емилија Ристановска.
Членовите на „Црно Собрание“ го запознаа претседателот Пендаровски со нивните идеи и концепт за музичките ангажмани, како и со размислувањата и плановите за иднината на бендот. Тие ги споделија и импресиите од неодамнешниот настап на концертот на средношколски бендови „БГ инвазија“ во Белград, каде имаа забележителен настап и освоија награди за најдобри гитаристи и најдобри вокали.
Претседателот Пендаровски упати честитки до членовите на бендот и професорката Ристановска, истакнувајќи дека е импресиониран од нивната младешка енергија и креативност, но и од критичкото мислење и нивото на самодоверба во бендот. Претседателот им порача да продолжат по својата патека и им посака успех во иднина.