Претседателот Стево Пендаровски денеска го прими Петер Хурелбринк, новиот директор на Фондацијата „Фридрих Еберт“ за Северна Македонија и за Косово.
На средбата се разговараше за досегашната соработка со фондацијата во рамки на Претседателскиот центар за политичко образование. Во таа насока беше изразено очекување дека соработка ќе продолжи и дека дополнително ќе се продлабочува.
Изразувајќи подготвеност за реализација на заеднички идни проекти, Претседателот Пендаровски ја поздрави поддршката којашто ја добива нашата држава од Фондацијата Фридрих Еберт, како и поддршката од Германија за евро-интегративниот процес на Северна Македонија.