Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

1 декември 2023 | Соопштенија

Претседателот Стево Пендаровски денеска во Дубаи, за време на неговото учество на Конференцијата на Обединетите нации за климатски промени – COP28, оствари средба со претседателката на Европската банка за обнова и развој, Одил Рено-Басо.

На средбата се разговараше за тековната соработка на нашата земја со Европската банка за обнова и развој, за регионалната соработка и интеграција, како и за поддршката на ЕБОР кон Северна Македонија во интерес на натамошен развој на регионот и заедничка иднина во Европската Унија.

Претседателот Пендаровски изрази уверување дека добрата соработка со ЕБОР, како најактивна меѓународна финансиска институција во земјава ќе продолжи и во иднина и дека таа соработка, која силно ја поддржува македонската европска реформска агенда е неопходна за реализација на јавни проекти што ќе бидат од корист за националната економија и за граѓаните.

Во таа насока беше разговарано за Договорот што треба да биде објавен за време на Климатскиот самит КОП28, а кој се однесува на план вреден 4 милијарди евра, одобрен од меѓународни кредитори, вклучително и Европската банка за реконструкција и развој (ЕБРД) и Светската банка. Нашата држава е дел од планот, „Инвестициска програма за праведна енергетска транзиција“, што опфаќа проекти за замена на јагленот, преку поддршка на влади, јавни доверители и приватни инвеститори.

Соговорниците разменија мислења и информации и за тековните економски движења во регионот и Европа, како и за предизвиците со кои се соочува овој сектор во услови на економска и геополитичка неизвесност.

Категории

Categories

Kategori

Последни вести

Latest news

Lajmet e fundit

Заедничка иницијатива за климатска акција  – искуства од  28. Самит за климатски промени

Заедничка иницијатива за климатска акција – искуства од 28. Самит за климатски промени

Претседателот Стево Пендаровски денеска ја посети лабораторијата за мерење на квалитетот на воздухот во рамки на Универзитетот „Гоце Делчев“ во Штип и учествуваше во дискусијата „Заедничка иницијатива за климатска акција  - искуства од  28. Самит за климатски...

Претседателот Пендаровски го прими претседателот на Асоцијацијата Тим-40, Жарко Димитриоск

Претседателот Пендаровски го прими претседателот на Асоцијацијата Тим-40, Жарко Димитриоск

Претседателот Стево Пендаровски денеска го прими Жарко Димитриоски, претседател на Асоцијацијата на млади претприемачи во Стопанската комора на Северна Македонија, Тим-40. Димитриоски го запозна претседателот Пендаровски со активностите на нивната асоцијација, како и...

Отворен Кабинет за основци од училиштето „Мирче Ацев“ и за  лица од Заводот за рехабилитација на деца и младинци

Отворен Кабинет за основци од училиштето „Мирче Ацев“ и за лица од Заводот за рехабилитација на деца и младинци

Кабинетот на претседателот, во рамки на Отворен кабинет, денеска го посетија ученици од ООУ „Мирче Ацев“ и лица од Заводот за рехабилитација на деца и младинци од Скопје. [gallery...

Средба на претседателот Пендаровски со писателката Оља Петрушевска Томева

Средба на претседателот Пендаровски со писателката Оља Петрушевска Томева

Претседателот Стево Пендаровски денеска во книжарницата „Сакам книги“ оствари средба со писателката Оља Петрушевска Томева. Истакнувајќи дека речиси и да нема сличност меѓу пишувањето и нејзината примарна професија...

Средба на претседателот Пендаровски со претседателот на Црна Гора, Милатовиќ

Средба на претседателот Пендаровски со претседателот на Црна Гора, Милатовиќ

Претседателот Стево Пендаровски на маргините на 60. Минхенска безбедносна конференција, вчеравечер оствари средба со претседателот на Црна Гора, Јаков Милатовиќ. На средбата, двајцата соговорници разменија мислења за севкупните билатерални односи, изразувајќи...