Претседателот Стево Пендаровски денеска на проштална средба го прими амбасадорот на Арапската Република Египет, Калид Ибрахим Емара.
На средбата беше реафирмиран интересот за натамошно унапредување на билатералните односи во сите области од заемен интерес и во оваа насока беше нагласена важноста од одржување на политички дијалог на високо ниво, вклучувајќи и размена на посети на високо ниво.
На средбата беа разменети мислења за состојбите во поширокиот регион, вклучувајќи ги случувањата на Блискиот Исток.
Заблагодарувајќи се за неговиот севкупен дипломатски ангажман и придонесот за развојот на македонско-египетските односи, претседателот Пендаровски на амбасадорот Емара му посака личен и професионален успех во иднина.