Претседателката Гордана Сиљановска Давкова денеска во проштална средба го прими амбасадорот на Италијанската Република, Андреа Силвестри.
На средбата претседателката Сиљановска Давкова истакна дека двете држави негуваат пријателски и блиски односи и дека Италија е важен политички и економски партнер на нашата држава. При тоа, изрази задоволство што првата работна посета во нејзиниот мандат беше во Италија.
Претседателката Сиљановска Давкова, изразувајќи благодарност во името на граѓаните и во лично име за дипломатскиот ангажман на амбасадорот Силвестри, нагласи дека тој ќе остане запаметен по професионалноста, посветеноста, дипломатскиот шарм, непосредноста и кооперативноста.
