Прашање: Дали се одлучивте кого ќе предложите за гувернер?
Претседателката Сиљановска-Давкова: Се разбира се одлучив, ама ви реков дека тоа никогаш не се кажува прво во јавноста, туку се испраќа до органот, бидејќи Собранието одлучува, и ќе го дознаете. Денеска ќе биде финализирано, пред да заминам за Италија.
Прашање: Некои од кандидатите што се вртат по јавноста се и партиски активни, меѓутоа во Законот не е дозволено. Дали внимававте на тоа?
Претседателката Сиљановска-Давкова: Морам да ви кажам нешто. Законот не дозволува, додека сте на функција, така вели членот, додека сте на функција, да знаете дека функцијата е инкомпатибилна со партиско членство. Така вели. Не вели дека ако сте биле некогаш. Ние сме имале извонреден гувернер, Петар Гошев, кој што бил претседател на партија, значи немало проблем во тоа. Работата е вие, додека функционирате да заборавите на партиски влијанија и да се водите од предизвикот на професијата. Кандидатите кои се наоѓаат во јавноста, се сите, ако гледаме ние во поглед експертското знаење, квалификувани. Тоа е факт.
Прашање: Претседателке, Ваш коментар околу стратешкиот договор што го направи Владата со Велика Британија.
Претседателката Сиљановска-Давкова: Видете, денеска видовте исто така, кон што се движи светот. Стратешките партнерства ќе бидат многу актуелни во следниот период. Се разбира дека ние мораме да наоѓаме решенија за развој. И стратешкото партнерство е во таа област. Еве јас ќе кажам, би сакала да имаме стратешко партнерство и со некои земји како Азербејџан и останатите. Зошто? Бидејќи во околината има, заради тоа што ние не можеме да скокнеме во обновливи извори без транзиција, која е врзана за гас. Мислам дека имаме многу научени лекции и предизвици, за да внимаваме како ќе се однесуваме во склучувањето на договорите, врзани или како дел од стратешкото партнерство.
