Претседателот Пендаровски домаќин на изложбата „Лабораторија од минатото за иднината:Приказни за Летната школа по архитектура во манастирот Св. Јоаким Осоговски, 1992-2017“

15 декември 2023 | Обраќања, Соопштенија

Во Кабинетот на претседателот денеска свечено беше отворена изложбата „Лабораторија од минатото за иднината: Приказни за Летната школа по архитектура во манастирот Св. Јоаким Осоговски, 1992-2017“ со која се претстави нашата држава на 18. Меѓународна изложба на архитектурата во Венеција – Венециско биенале 2023.

„Познавачите знаат дека учеството на венецијанското архитектонско биенале подразбира сериозен авторски и организациски ангажман. Ние не сме голема, моќна и богата земја, но, без било каква дилема имаме традиција, култура, уметност и архитектура на највисоко ниво. Имаме креативци и автори кои имаат што да му кажат и покажат на светот. И сево ова треба да го негуваме и подржуваме. Морална обврска на секој од нас е во рамките на нашите можности, а, на секоја институција законска обврска е, согласно надлежностите, да работиме на афирмација на македонската архитектура и на македонските автори“, истакна во обраќањето претседателот Стево Пендаровски, како домаќин на изложбата.

Носител на проектот, којшто со поддршка на Министерството за култура беше претставен на Венециското биенале на архитектура, е Ива Петрунова од здружението „Градот убав“.

На свеченото отворање свои обраќање имаа директорката на Национална галерија, Дита Старова Ќерими, како комесар на проектот, Минас Бакалчев, еден од авторите и Марија Петрова, една од кураторите.

Останати куратори на изложбата се Александар Петановски, Димитар Крстески, Дарко Драгановски и Горан Петров, a останати излагачи во поставката се Митко Хаџи-Пуља, Александар Радевски, Саша Тасиќ и Димитар Папастеревски.

Почитувани автори,

Почитувани гости,

Дами и господа,

Претставува особена чест што по само 6 месеци по поставката во Венеција, во рамките на 18. Меѓународна изложба на архитектура, изложбата „Лабораторија од минатото за иднината: Приказни за Летната школа за архитектура во манастирот Свети Јоаким Осоговски, 1992 – 2017“,во нашите простории ја претставуваме и на македонската јавност.

Како и со секој од серијата културни и уметнички настани во изминатите 4 и пол години кои се одвиваа на овој простор, така и сега, верувам дека со тоа придонесуваме за дополнителна промоција и афирмација на македонските креативни автори и уметници, кои тоа бездруго го заслужуваат.

Со претставувањето на годинешниот македонски национален претставник на 18-тата Интернационална изложба на архитектура во Венеција, верувам дека на најсоодветен начин ја испраќаме оваа година, гледајќи со поголем оптимизам и верба кон новата 2024 година.

Имено, во корелација со насловот на изложбата, од минатото за иднината, нека ова богатство, оваа убавина биде наш влог за едно време, кое, да се надеваме, ќе биде посреќно од денешново. Токму архитектурата поседува содржина, тежина и значење што трае низ вековите. Или, како што вели еден од најпознатите архитекти на нашето време, Френк Гери, „Архитектурата треба да ги опишува времето и местото, но и да се стреми кон неминливост.“

Верувам, не е претерано ако кажеме дека нашите архитекти, нашите уметници, создаваат вечност и неминливост.

Почитувани,

Познавачите знаат дека учеството на венецијанското архитектонско биенале подразбира сериозен авторски и организациски ангажман. Годинава, дефинитивно, бевме соодветно претставени и затоа би сакал да се заблагодарам на авторите, на Министерството за култура, на комесарот на изложбата, на кураторите и на сите кои на било каков начин беа инволвирани во креирањето и поставувањето на изложбата.

Ние не сме голема, моќна и богата земја, но, без било каква дилема имаме традиција, култура, уметност и архитектура на највисоко ниво. Имаме креативци и автори кои имаат што да му кажат и покажат на светот. И сево ова треба да го негуваме и поддржуваме.

Морална обврска на секој од нас е во рамките на нашите можности, а, на секоја институција законска обврска е, согласно надлежностите, да работиме на афирмација на македонската архитектура и на македонските автори.

Тука би го завршил моето обраќање и би ве поканил да ја погледнете изложбата.

Ви благодарам.

Категории

Categories

Kategori

Последни вести

Latest news

Lajmet e fundit

Претседателот Пендаровски ја посети компанијата ,,Везе Шари” и општина Пласница

Претседателот Пендаровски ја посети компанијата ,,Везе Шари” и општина Пласница

Претседателот Стево Пендаровски, во рамки на проектот „Лице в лице со Претседателот“ денеска во селото Требош, Општина Желино ја посети компанијата „Везе шари“. За време на посетата, претседателот Пендаровски беше запознаен со тековната работа на компанијата, која...

Изјава на претседателот Пендаровски на денешната прес-конференција

Изјава на претседателот Пендаровски на денешната прес-конференција

Претседателот Стево Пендаровски денеска одржа прес-конференција. Во продолжение е интегралниот текст на изјавата на претседателот Пендаровски. Почитувани медиуми, Почитувани граѓани, Благодарам за вашето присуство. Повод за...

Претседателот Пендаровски присуствуваше на завршниот настан „Иднината почнува дома“

Претседателот Пендаровски присуствуваше на завршниот настан „Иднината почнува дома“

Претседателот Стево Пендаровски вчеравечер присуствуваше на завршниот настан „Иднината почнува дома“, на којшто беа доделени признанија на триесет и двајцата номинирани личности, кои со нивната индивидуална ангажираност придонеле како двигатели на позитивни промени во...

Отворен Кабинет за претставници на Mладински клуб на Турците и ученици од ООУ „Браќа Миладиновци“

Отворен Кабинет за претставници на Mладински клуб на Турците и ученици од ООУ „Браќа Миладиновци“

Кабинетот на претседателот, денеска го посетија претставници на Mладински клуб на Турците и ученици од ООУ „Браќа Миладиновци“ од Аеродром, Скопје, во рамки на активноста Отворен Кабинет. [gallery...

Обраќање на сопругата на претседателот на панел дискусија по повод Денот на ретките болести

Обраќање на сопругата на претседателот на панел дискусија по повод Денот на ретките болести

  Сопругата на претседателот Елизабета Ѓоргиевска присуствуваше и се обрати на панел дискусија посветена на Денот на ретките болести во организација на Националната алијанса за ретки болести на Македонија – НАБРМ.   [gallery...