Обраќање на сопругата на претседателот, г-а Елизабета Ѓоргиевска на отворањето на регионална конференција на високо ниво „Моќта на изборот: Остварувајќи телесна автономија кај жени и девојки“

5 октомври 2023 | Соопштенија

Сопругата на претседателот, г-а Елизабета Ѓоргиевска, денеска се обрати на отворањето на регионалната конференција на високо ниво „Моќта на изборот: Остварувајќи телесна автономија кај жени и девојки“, што се одржува во Кабинетот на претседателот на Република Северна Македонија. Конференцијата, чиј домаќин е г-а Ѓоргиевска, се одржува во соработка со Фондот за население на Обединетите нации – УНФПА, а под покровителство на претседателот Стево Пендаровски.

Во своето обраќање, г-а Ѓоргиевска истакна дека телесната автономија е основно човеково право, а сепак како такво останува неостварливо за премногу жени и девојки ширум светот, потенцирајќи дека собирот има за цел да поттикне дијалог и да ги засили гласовите на оние кои долго време се маргинализирани.

„Оваа конференција нека биде доказ за нашата посветеност, нашето сочувство и нашата колективна волја да направиме разлика“, рече г-а Ѓоргиевска во своето обраќање.

На воведната сесија се обратија и Јована Тренчевска, министерка за труд и социјална политика, Флоренс Бауер, регионална директорка на УНФПА за Источна Европа и Централна Азија, Росана Дуџак, постојана координаторка на Обединетите Нации во Северна Македонија и Диене Кеита, заменик-директорка (програма) на УНФПА преку видео-обраќање.

Преку 4 панели на различни теми, говорниците на конференцијата ќе дадат преглед на остварувањето на телесната автономија, ќе дебатираат за бариерите за пристап до здравствена заштита, образование и економски можности.

На последниот панел на конференцијата, што започнува во 16:00 часот, ќе се обратат Арманда Бегај, сопруга на претседателот на Република Албанија, Мирела Беќировиќ, сопруга на членот на Претседателството на Босна и Херцеговина, Елизабета Ѓоргиевска, сопруга на претседателот на Република Северна Македонија, Тамара Вучиќ, сопруга на претседателот на Република Србија и Алеш Мусар, сопруг на претседателката на Република Словенија. Преку видео порака ќе се обратат и сопругите на претседателите на Република Хрватска и на Украина, Сања Мусиќ- Милановиќ и Олена Зеленска.

На Конференцијата присуствуваат околу 100 претставници од државата и од регионот на Источна Европа и Централна Азија, ООН, меѓународната заедница, креатори на политики, жени лидери, претставници/чки на граѓанското општество, на младите, експерти и други засегнати страни.

Телесната автономија и сексуалното и репродуктивното здравје и права се клучни за напредокот кон родовата еднаквост, постигнувањето на Целите за одржлив развој на ОН и целите на Програмата за акција на Меѓународната конференција за население и развој (ICPD) што се одржа во Каиро, Египет, во 1994 година.

Во продолжение е интегралниот текст од воведното обраќање на г-а Ѓоргиевска.

„Дами и господа,
почитувани гости,
почитувани учесници,

Со големо задоволство Ви упатувам топло и срдечно добредојде во Скопје на секој од вас.

Чест е да се биде домаќин на овој значаен собир чиј покровител е претседателот на Република Северна Македонија, и воедно сум среќна што настанот го организираме заедно со Фондот за население на Обединетите нации (УНФПА).

Телесната автономија е основно човеково право, а сепак, како такво останува неостварливо за премногу жени и девојки ширум светот. Од огромна важност е тоа што се собравме денес овде за да поразговараме за ова прашање и да работиме во насока на донесување на значајни промени. Преку овој собир, имаме за цел да поттикнеме дијалог и да ги засилиме гласовите на оние кои долго време се маргинализирани. Овде сме да слушаме, да учиме и да трасираме пат напред кој ќе ја почитува и кој ќе ја поддржува автономијата, достоинството и правата на жените и девојките.

Фондот за население на Обединетите нации, нашиот ценет партнер во овој потфат, е во првите редови кога станува збор за застапувањето на правата на жените и девојките ширум светот. Заедно, ќе работиме неуморно за да осигураме дека моќта на изборот е реалност за сите, без оглед на нивното потекло или околности.

Ви благодарам на сите што сте овде денес, за вашата посветеност на оваа кауза и за вашата непоколеблива поддршка. Оваа конференција нека биде доказ за нашата посветеност, нашето сочувство и нашата колективна волја да направиме разлика.

Ви благодарам уште еднаш и со нетрпение очекувам плодни дискусии и заеднички активности за време на оваа конференција.“

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...