Претседателот Стево Пендаровски во рамки на учеството на Годишниот состанок на Светскиот економски форум во Давос, оствари средба со генералниот секретар на Организацијата за економска соработка и развој (ОЕЦД), Матијас Корман.
Двајцата соговорници разменија мислења за глобалните економски текови, како и за можностите за унапредување на меѓусебната соработка со цел креирање на квалитетни економски развојни политики во земјава, како и зголемена техничка поддршка од ОЕЦД во однос на спроведување на реформските процеси во клучните области и јакнење на институционалните капацитети со цел обезбедување на економска стабилност и покрај глобалните предизвици.
