Средба на претседателот Пендаровски со тимови од Nasa Space Apps Challenge 2023 – Струмица

11 декември 2023 | Соопштенија

Претседателот Стево Пендаровски денеска во Млади Хаб, се сретна со тимовите „Quake Brains“ и „Constellation“ коишто забележаа исклучителни резултати на хакатонот Nasa Space Apps Challenge 2023 – Струмица.

Првото место на овој хакатон го освоија неколку средношколки од училиштето „Димитар Влахов“ од Струмица, обединети во „Quake Brains“. Тие работеле на предизвикот Be a Space Geologist. Ученичките го запознаа претседателот Пендаровски со нивната интернет страница, решение поттикнато од појавата на земјотреси, а со цел навремено алармирање и минимизирање на можноста од загуба на човечки животи и штети со несогледливи последици. Нивната веб страница овозможува и да се донираат средства наменети за погодените семејства и загрозените подрачја.

Тимот „Constellation“ – основци од Скопје, кои биле и најмлади учесници за 2023 година, го освоија третото место со проектот Eclipses: PERSPECTIVE IS EVERYTHING. Нивниот проект овозможува разбирање на механиката и годишните времиња на природниот феномен Еклипса.

Упатувајќи честитки за постигнатите успеси на сите вклучени во хакатонот, претседателот Пендаровски нагласи дека важно е да се поттикнува креативноста и да се стимулира потенцијалот на младите луѓе. На учениците, претседателот Пендаровски им порача дека за да успеат, не е доволно да се натпреваруваат сами со себе или со своите соученици и врсници, туку дека мора да се натпреваруваат со целиот свет.

Менторите и организаторите на 48-часовниот хакатон, на кој учениците работеле на 30 предизвици доставени од вселенската агенција НАСА, истакнаа дека бројот на учесници годинава бил драстично зголемен споредбено со 2022 година, што за нив е показател дека младите сакаат да истражуваат и да стекнуваат знаења и вештини надвор од формалното образование.

Во Млади Хаб претседателот разговараше и со Мартина Димоска – првиот македонски аналоген астронаут. Димоска го информираше претседателот Пендаровски дека неодамна се стекнала со титула амбасадор „старешина“ на НАСТАР – центар одобрен од Федералната авијација (FAA) на САД. Димоска ги сподели своите впечатоци за реализираните проекти во рамки на NASA Space Apps, нагласувајќи го исклучителниот придонес на младите луѓе од нашата држава.

Категории

Categories

Kategori

Последни вести

Latest news

Lajmet e fundit

Заедничка иницијатива за климатска акција  – искуства од  28. Самит за климатски промени

Заедничка иницијатива за климатска акција – искуства од 28. Самит за климатски промени

Претседателот Стево Пендаровски денеска ја посети лабораторијата за мерење на квалитетот на воздухот во рамки на Универзитетот „Гоце Делчев“ во Штип и учествуваше во дискусијата „Заедничка иницијатива за климатска акција  - искуства од  28. Самит за климатски...

Претседателот Пендаровски го прими претседателот на Асоцијацијата Тим-40, Жарко Димитриоск

Претседателот Пендаровски го прими претседателот на Асоцијацијата Тим-40, Жарко Димитриоск

Претседателот Стево Пендаровски денеска го прими Жарко Димитриоски, претседател на Асоцијацијата на млади претприемачи во Стопанската комора на Северна Македонија, Тим-40. Димитриоски го запозна претседателот Пендаровски со активностите на нивната асоцијација, како и...

Отворен Кабинет за основци од училиштето „Мирче Ацев“ и за  лица од Заводот за рехабилитација на деца и младинци

Отворен Кабинет за основци од училиштето „Мирче Ацев“ и за лица од Заводот за рехабилитација на деца и младинци

Кабинетот на претседателот, во рамки на Отворен кабинет, денеска го посетија ученици од ООУ „Мирче Ацев“ и лица од Заводот за рехабилитација на деца и младинци од Скопје. [gallery...

Средба на претседателот Пендаровски со писателката Оља Петрушевска Томева

Средба на претседателот Пендаровски со писателката Оља Петрушевска Томева

Претседателот Стево Пендаровски денеска во книжарницата „Сакам книги“ оствари средба со писателката Оља Петрушевска Томева. Истакнувајќи дека речиси и да нема сличност меѓу пишувањето и нејзината примарна професија...

Средба на претседателот Пендаровски со претседателот на Црна Гора, Милатовиќ

Средба на претседателот Пендаровски со претседателот на Црна Гора, Милатовиќ

Претседателот Стево Пендаровски на маргините на 60. Минхенска безбедносна конференција, вчеравечер оствари средба со претседателот на Црна Гора, Јаков Милатовиќ. На средбата, двајцата соговорници разменија мислења за севкупните билатерални односи, изразувајќи...