Претседателката Гордана Сиљановска Давкова денеска во проштална средба го прими амбасадорот на Кралството Холандија, Дирк Јан Коп.
На средбата се разговараше за севкупните билатерални односи меѓу двете држави. Претседателката Сиљановска Давкова ја истакна важноста на поддршката што Холандија ја дава за македонските аспирации за членство во Европската Унија, како и поддршката на реформската агенда.
Претседателката Сиљановска Давкова истакна дека оваа поддршка е од витално значење за нашите тековни напори за зајакнување на демократските институции, зајакнување на владеењето на правото и унапредување на човековите права.
Претседателката Сиљановска Давкова изрази очекување дека Холандија ќе продолжи да биде гласен поддржувач на нашите стратешки цели.
Претседателката Сиљановска Давкова се заблагодари за севкупниот дипломатски ангажман на амбасадорот Јан Коп и му посака успех во идните ангажмани.
