Изјава на претседателот Пендаровски на заедничката прес конференција со словенечката претседателка и хрватскиот претседател

11 септември 2023 | Соопштенија

Претседателот Стево Пендаровски денеска по завршувањето на состанокот на лидерите на земјите учеснички од Процесот Брдо-Бриони во Скопје, одржа заедничка прес-конференција со претседателите на Република Словенија и Република Хрватска, Наташа Пирц Мусар и Зоран Милановиќ.

Во продолжение е интегралниот текст на изјавата на претседателот Пендаровски.

Почитувана претседателке на Словенија,

Почитуван претседател на Хрватска,

Почитувани претставници на медиумите,

Ова е значаен ден за нас, бидејќи денес имаме чест да бидеме домаќини на претседателите на земјите учеснички на Брдо-Бриони процесот, кој е единствен механизам за соработка во регионот на ниво на шефови на држави.

Најпрво сакам да се заблагодарам на традиционалните ко-домаќини, претседателите на Словенија и Хрватска – моите колеги и пријатели Наташа и Зоран, што како лидери на Процесот Брдо-Бриони ги застапуваат интересите на нашиот регион, особено во рамките на Европската Унија.

Секако, благодарност и до претседателите на Србија, Косово, Албанија и Црна Гора, како и на претседавачот и двајцата членови на претседателството на Босна и Херцеговина за нивното учество и придонес на овој состанок кој помина во конструктивна атмосфера и на кој ја потврдивме важноста од регионалната соработка, која е неопходно да се заснова врз искрен и отворен дијалог.

Првата тема на денешниот состанок беше приоритетот број еден за земјите од Западен Балкан, а тоа се европските аспирации. Желбата за членство во Европската Унија, без исклучок, присутна кај сите држави кои се дел од овој форум, е значајен фактор кој не мотивира и поврзува. Во тој контекст, на сите ни е јасно дека треба да ги постигнеме европските стандарди на добро владеење и функционална пазарна економија.

Стабилноста и просперитетот во регионот се меѓузависни. Затоа е повеќе од потребно, отворено да зборуваме за најтешките прашања, да бараме одржливи решенија и да ги затвораме отворените прашања. Исто така, со заеднички напори мора да издејствуваме западниот Балкан да се врати целосно на европската агенда и таму да остане.

Почитувани,

Несомнено е дека иднината, не само на нашиот регион, туку и на светот, ќе биде дефинирана од најголемиот глобален предизвик, а тоа се климатските промени. Годинешниве шумски пожари и поплави во регионот и во Европа се индикатори за тоа каква иднина не очекува. Eкстремните временски услови ќе бидат се поинтензивни и ќе зачестат топлотните бранови, сушите и пожарите, бурите и поплавите.

Поради тоа, политиките поврзани со климатските промени, чиј потенцијал ги надминува капацитетите на секоја индивидуална држава, се наметнаа како важна тема на овој состанок. Во таа смисла, сите сме согласни дека мораме да ги зајакнеме нашите напори во оваа глобална трка со времето, со носење на решенија кои ќе ги ублажат негативните последици од климатските промени, а, ќе вклучуваат општествена, политичка и регионална солидарност.

Со моите колеги разговаравме и за, без дилеми, најголемиот предизвик за регионот – иселувањето на младите. Заеднички заклучок на сите присутни беше дека доколку не му застанеме на патот на овој тренд и тој не биде успорен со конкретни политики нас нè очекува многу полоша иднина од онаа која во моментов можеме да ја антиципираме. Нашата заедничка порака е да ги удвоиме и билатералните и регионалните напори за создавање перспективи за младите да останат во регионот и да се реализираат во сопствените земји.

Почитувани,

На крајот, дозволете ми да изразам задоволство што на денешниот состанок успеавме да го усогласиме текстот и да ја усвоиме Декларацијата од Скопје, во која се содржани заедничките констатации и заложби на сите девет претседатели во однос на темите кои беа предмет на денешната дискусија.

Ви благодарам.

Категории

Categories

Kategori

Последни вести

Latest news

Lajmet e fundit

Одбележување на 20-годишнината од загинувањето на претседателот Борис Трајковски и членовите на делегацијата

Одбележување на 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски, утре, 26 февруари 2024 година, понеделник, во 12:00 часот ќе положи свежо цвеќе на вечното почивалиште на претседателот Борис Трајковски, по повод одбележувањето на 20-годишнината од неговото загинување во авионската несреќа во Босна и...

Средба на претседателот Пендаровски со ректорката на УКИМ проф. д-р Билјана Ангелова

Средба на претседателот Пендаровски со ректорката на УКИМ проф. д-р Билјана Ангелова

Претседателот Стево Пендаровски денеска ја прими ректорката на Универзитетот „Свети Кирил и Методиј“ во Скопје проф. д-р Билјана Ангелова и проректорот за финансии, инвестиции и развој проф. д-р Лазо Пендовски. На средбата претседателот Пендаровски беше информиран за...

Отворен кабинет со основци од скопски училишта

Отворен кабинет со основци од скопски училишта

Во рамки на активноста Отворен кабинет денеска Кабинетот на претседателот го посетија ученици од основните училишта од Скопје: „Петар Поп Арсов“, „Димитар Поп Георгиев - Беровски“, „11 Октомври“, „Коле Неделковски“ и „Живко Брајковски“. [gallery...

Претседателот Пендаровски се сретна со маратонецот Дарио Ивановски

Претседателот Пендаровски се сретна со маратонецот Дарио Ивановски

Претседателот Стево Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија, како и со неговиот тренер и менаџер, Игор Јакимовски и атлетичарот Жан...

Средба на претседателот Пендаровски со претставници на хуманитарната организација „Ел Хилал“

Средба на претседателот Пендаровски со претставници на хуманитарната организација „Ел Хилал“

Претседателот Стево Пендаровски денеска прими претставници на хуманитарната организација „Ел Хилал“, предводени од Бехиџудин Шехапи, претседател на организацијата. Претставниците на организацијата го информираа претседателот Пендаровски за тековните активности на „Ел...