Претседателката Гордана Сиљановска-Давкова, денеска на проштална средба го прими амбасадорот на Кралството Саудиска Арабија со седиште во Тирана, Фаисал Гази Исмаил Хифзи, кому му изрази искрена благодарност за посветената служба и за неговиот личен придонес во негувањето и јакнењето на билатералните односи.
За соговорниците, традиционално добрите дипломатски односи засновани врз меѓусебно почитување и доверба може да станат уште подобри преку синхронизирано отворање на резидентни амбасади во Ријад и во Скопје.
Сиљановска-Давкова изрази став и желба за унапредување на економската соработка преку зголемена трговска размена и поголеми директни саудиски инвестиции на македонскиот пазар.
Амбсадoрот изрази подготвеност за интензивна соработка во зелената енергија, туризмот, обрзованието и науката.
Двајцата се осврнаа на актуелните воени состојби во Песискиот залив, со надеж за трансформирање на примирјето во трајно мировно решение.
Тие ја поздравија турнејата на претседателот на Европскиот совет, Антонио Кошта низ земјите од заливот, оценувајќи ја како добар потег.
На крајот од средбата, претседателката на амбасадорот Фаисал Гази Исмаил Хифзи му посака лични и професионални успеси.
