Претседателот Стево Пендаровски, денеска на проштална средба го прими амбасадорот на Република Финска, Кимо Лахдевирта.
На средбата, двајцата соговорници изразија задоволство од одличната соработка и успешниот развој на билатералните односи меѓу двете држави во повеќе сфери на општественото живеење.
Претседателот Пендаровски се заблагодари за финската поддршка за македонските евроинтеграции и истакна дека европската перспектива е важна гаранција и инвестиција во мирот, стабилноста и просперитетот на регионот. Заблагодарувајќи се за дипломатскиот ангажман и придонес на амбасадорот Лахдевирта во збогатувањето на пријателските односи, претседателот Пендаровски му посака личен и професионален успех во иднина.