Претседателката Гордана Сиљановска Давкова го прими Владо Спиридонов, доктор по метеоролошки науки.
На средбата беа разменети мислења за актуелните предизвици од зачестената појава на временски екстреми и нивното влијание врз животната средина. Во таа насока беше нагласена важноста на новите технологии, современиот пристап и научните методи во справувањето со природните елементарни непогоди, но и со другите опасности, како пожари и загадување настанати од човечки фактор.
Во таа насока професорот Спиридонов, како еден од водечките македонски експерти за метеорологија, презентираше научни можности за поефикасно справување со штетните појави кои се користат во светот, а кои можат да превенираат човечки загуби и материјални штети.
Претседателката Сиљановска Давкова и професорот Спиридонов разговараа и за потенцијалите и капацитетите што ги имаме како држава, како и за потребата од соработка со пријателски земји во создавање системи за рано предупредување, со цел спречување или намалување на штетите од природните непогоди кои се јавуваат.
