Денеска во Кабинетот на Претседателот, советници на претседателот Пендаровски остварија средба со украинската пратеничка Кира Рудик.
На средбата, украинската пратеничка Рудик информираше за актуелната состојба и развој на настаните во Украина, во контекст на руската агресија.
Советниците на Претседателот го реафирмираа ставот дека Република Северна Македонија целосно и недвосмислено го поддржува територијалниот интегритет и суверенитетот на Украина во нејзините граници до 2014 година.
На средбата беше разговарано за евроинтеграциите на двете држави и беше нагласена потребата за забрзување на процесите кои ќе значат поголема стабилност и просперитет како за регионот, така и за Европа.
Соговорниците на средбата изразија очекување дека пријателските билатерални односи меѓу Северна Македонија и Украина ќе продолжат да се продлабочуваат.
