Претседателот Стево Пендаровски денеска го прими Брајан Шихан, претседател на Меѓународната асоцијација на Лајонс клубови и претставници на Лајонс дистрикт 132 Северна Македонија, по повод 25-годишнината од нивната работа во нашата држава.
Претседателот Пендаровски беше запознаен со севкупната работа на организацијата, насочена кон поддршка на заедницата, грижа за ранливите групи и хуманитарни активности, а која во Северна Македонија обединува 30 Лајонс клубови. Претставниците на организацијата го запознаа претседателот Пендаровски со тековните проекти и програми, како и со планираните активности за одбележување на 25-годишнината од нивната работа во државата.
По повод јубилејот, претседателот Пендаровски и претставниците на Лајонс засадија чинар во дворот на Кабинетот на претседателот.
