Во рамки на официјалната посета на претседателката на Република Косово на Република Северна Македонија, претседателот Стево Пендаровски и претседателката Вјоса Османи-Садриу положија венци на гробот на македонскиот револуционер Гоце Делчев во црквата „Св. Спас“ во Скопје.
Претходно, претседателот Пендаровски во претседателскиот кабинет, на официјална церемонија со највисоки државни и воени почести ја пречека косовската претседателка, а по одржаната тет-а-тет средба и пленарниот состанок на официјалните делегации двајцата претседатели одржаа заедничка прес-конференција.
