Во организација на Претседателскиот центар за политичко образование и Фондацијата за демократија на Вестминстер во Северна Македонија, денеска во хотелот Александар Палас се одржа конференција на која беше промовирана публикација за политичко образование.
На отворањето на конференцијата свои обраќања имаа Јетон Шаќири, министер за образование и наука во Република Северна Македонија, Зекирија Хасипи, директор на „Биро за развој на образованието“ и Дона Костуранова, претставник на Фондацијата за демократија на Вестминстер во Северна Македонија.
Автори на публикацијата за политичко образование се Александар Љ. Спасов, претседател на Програмскиот совет на Претседателскиот центар за политичко образование, советник на претседателот за внатрешна политика, надворешна политика и уставни прашања и вонреден професор на Правниот факултет „Јустинијан Први“, УКИМ, Ненад Марковиќ и Иван Дамјановски, редовни професори на Правниот факултет „Јустинијан Први“, УКИМ.