Претседателот Стево Пендаровски денеска го прими амбасадорот на Европската Унија во Скопје Дејвид Гир, кој му го презентираше Извештајот на Европската Комисија за напредокот на Република Северна Македонија за 2023 година.
Претседателот Пендаровски истакна дека извештајот, кој го нотира сработеното од првата фаза за почеток на преговорите со скринингот, прикажува и детална слика за состојбите во македонското општество, а дава патоказ за натамошната работа на институциите, како и областите во кои треба да посветиме внимание, особено во сферата на владеење на правото, каде што оценките на Европската Комисија во изминатата година не се задоволителни.
Претседателот Пендаровски додаде дека со оглед на тоа што европската интеграција е стратешка цел на земјава, во следниот период треба да продолжи фокусот на реформите од страна на сите чинители во македонското општество.