Предавање на акредитивните писма од страна на Мирваис Самади, новоименуваниот амбасадор на Авганистан за Северна Македонија

11 февруари 2021 | Соопштенија

Претседателот Стево Пендаровски денеска оствари разговор преку видео-врска со Мирваис Самади, новоименуван амбасадор на Исламската Република Авганистан за Република Северна Македонија, со седиште во Атина, по повод предавањето на акредитивните писма кои, поради пандемијата на Ковид-19, ги достави по писмен пат.

Упатувајќи честитки за назначувањето на функцијата, претседателот Пендаровски ја истакна важноста на промовирањето на позитивна агенда за соработка меѓу двете држави и изрази очекување дека ангажманот на новоименуваниот амбасадор ќе даде значаен придонес за продлабочување на политичките односи.

„Северна Македонија е и ќе биде сигурен партнер на Авганистан во нивните напори за просперитет на земјата и благосостојба на граѓаните“, порача претседателот Пендаровски и истакна дека нашата држава, како учесник во ИСАФ мисиите на НАТО до 2014-та, но и до денес со придонесот во мисијата „Одлучна поддршка“ ја потврдува својата посветеност за одржлив мир и развој на Авганистан.

Соговорниците разменија мислења за спроведувањето на мировните преговори со талибанците, во согласност со договорот од 29-ти февруари минатата година, поздравувајќи ги напорите на Авганистан за постигнување мир и стабилност во земјата и во регионот.

Посакувајќи му успех во извршувањето на одговорната должност, претседателот Пендаровски му искажа поддршка на амбасадорот на Авганистан, Самади.

Категории

Categories

Kategori

Последни вести

Latest news

Lajmet e fundit

Обраќање на претседателот Пендаровски на 55. Летна школа на Меѓународниот семинар за македонски јазик, литература и култура

Обраќање на претседателот Пендаровски на 55. Летна школа на Меѓународниот семинар за македонски јазик, литература и култура

Претседателот Стево Пендаровски денеска се обрати на 55. Летна школа на Меѓународниот семинар за македонски јазик, литература и култура, којашто се одржува во Охрид од 17 август до 2 септември 2022 година. Посакувајќи успешна работа на годинашната школа, претседателот...

Положување цвеќе по повод 18 Август – Денот на Армијата

Положување цвеќе по повод 18 Август – Денот на Армијата

Делегациja од Кабинетот на Претседателот на Република Северна Македонија, во состав полковник Билјана Блажеска, аѓутант на претседателот и Валентин Диневски, посебен советник за безбедност, по повод 18 Август – Денот на Армијата на Република Северна Македонија, на...

Обраќање на претседателот Пендаровски и одликувања по повод 18 Август – Денот на Армијата и јубилејот „30 години Армија“

Обраќање на претседателот Пендаровски и одликувања по повод 18 Август – Денот на Армијата и јубилејот „30 години Армија“

Претседателот и Врховен командант на вооружените сили, Стево Пендаровски, денеска се обрати на централната свеченост, што по повод 18 Август – Денот на Армијата на Република Северна Македонија и јубилејот „30 години Армија“, се одржа во касарната „Илинден“ во Скопје....

Средба на претседателот Пендаровски со Горан Стојановски, претседателот на Националната пливачка федерација

Средба на претседателот Пендаровски со Горан Стојановски, претседателот на Националната пливачка федерација

Претседателот Стево Пендаровски денеска го прими Горан Стојановски, претседателот на Националната пливачка федерација. На средбата се разговараше за реализираните активности на Националната пливачка федерација, за организациските проблеми...

Средба на претседателот Пендаровски со командантот на Националната Гарда на Вермонт, генерал-мајор Грегори Најт

Средба на претседателот Пендаровски со командантот на Националната Гарда на Вермонт, генерал-мајор Грегори Најт

Претседателот Стево Пендаровски денеска го прими командантот на Националната Гарда на Вермонт, генерал-мајор Грегори Најт. На средбата се разговараше за соработката меѓу Армијата на Република Северна Македонија и Националната гарда на Вермонт, која се остварува преку...