Presidentja Gordana Siljanovska Davkova, me rastin e 23 Majit – Ditës Kombëtare të Vllehve, u dërgoi urime përfaqësuesve të bashkësisë vllahe.
Të nderuar bashkëqytetarë,
Më lejoni t’ju uroj 23 majin – Ditën Kombëtare të Vllehve. Në këtë festë rikujtojmë të pranojmë të vërtetën se vllehtë janë një popull i veçantë, me gjuhën e tyre, kulturën autentike dhe ekzistencën shumëshekullore në këto treva.
Duke jetuar të kufizuar në disa shtete ballkanike, vllehtë thuhet se janë popull i shumë atdheve. E megjithatë, vetëm në atdheun tonë të përbashkët maqedonas, vllehtë njihen me kushtetutë dhe vlerësohen shoqërisht. Kjo është për shkak të traditës maqedonase të bashkëjetesës dhe respektimit të dinjitetit të diversitetit, por edhe të kontributit të vllehve në luftën për një shtet të lirë maqedonas. Para 80 vjetësh vllehtë morën pjesë barabar në formimin e Maqedonisë së ASNOM-it.
Edhe përkrah sfidave në arsim, përfaqësuesit e bashkësisë vllahe kontribuojnë vazhdimisht në çdo sferë të shoqërisë. Prandaj, shteti duhet t’i heqë të gjitha pengesat e fundit për bashkëqytetarët tanë, vlleh, që të mund të realizojnë pa asnjë problem të drejtën themelore të njeriut, arsimimin.
Gjuha është lidhja më e fortë midis paraardhësve dhe pasardhësve, e cila transmeton përvojën unike dhe perceptimin unik që njerëzit kanë për realitetin. Prandaj, gjuha vllahe është pjesë jo vetëm e pasurisë kulturore maqedonase, por edhe e asaj evropiane. Ndaj nevojitet veprim vendimtar për ruajtjen dhe promovimin e gjuhës, identitetit dhe kulturës vllahe, veçanërisht në sistemin arsimor dhe përdorimin e saj në jetën private dhe publike, në frymën e vlerave evropiane.
Me një bindje të tillë, të gjithë përfaqësuesve të bashkësisë vllahe ua uroj festën e madhe – 23 Majin.
Gordana Siljanovska Davkova
