Presidentja Gordana Siljanovska Davkova do të marrë pjesë sot në ceremoninë e hapjes së Lojërave të 20-ta Mesdhetare, të cilat po mbahen në Taranto të Republikës së Italisë.
Sot, ajo do të vizitojë Fshatin Mesdhetar (Olimpik) ku do të takohet me atletët nga Maqedonia, ndërsa këtë pasdite do të marrë pjesë në pritjen e organizuar nga Presidenti i Republikës së Italisë, Sergio Mattarella, në nder të krerëve të delegacioneve.
Që nga pavarësia, kjo është pjesëmarrja e katërt e atletëve nga Maqedonia në këtë garë prestigjioze. Delegacioni i Maqedonisë këtë vit përbëhet nga 90 atletë. Ata do të garojnë në disa disiplina, në sporte individuale dhe në grup.
