Претседателката Гордана Сиљановска-Давкова денеска ќе присуствува на свеченото отворање на 20. Медитерански игри, коишто се одржуваат во Таранто, Италијанската Република.
Таа денеска ќе го посети Медитеранското (олимписко) село каде ќе оствари средба со македонските спортисти, а попладнево ќе присуствува на приемот којшто го приредува претседателот на Италијанската Република, Серџо Матарела, во чест на шефовите на делегациите.
Од независноста досега, ова е четврто учество на македонски спортисти на ова престижно натпреварување. Македонската делегација годинава брои 90 спортисти. Тие ќе се натпреваруваат во повеќе дисциплини, во индивидуални и групни спортови.
