Presidentja Siljanovska Davkova i mirëpriti fitueset e ekipeve të “NASA Space Apps Challenge 2024”

19 Shkurt 2025 | Kumtesat

Presidentja Gordana Siljanovska Davkova i mirëpriti ekipet maqedonase që arritën rezultate të jashtëzakonshme në “NASA Space Apps Challenge 2024”, organizuar nga Agjencia Amerikane për Hulumtime të Kosmosit NASA.

Në takim, Presidentja u njoh me qëllimet e hackathonit 48-orësh, i cili u mbajt njëkohësisht në 180 vende, kursenë vendin tonë, studentë nga e gjithë vendi garuan në dy lokacione,NASA Space Apps, në shkollën e mesme profesionale “Dimitar Vlahov” , dhe Nasa Space Apps Skopje në hapësirat e Bashkësisë së entuziastëve të teknologjisë „Base 42“.

Tri ekipet fituese nga Strumica dhe ekipi fitues nga Shkupi, të përzgjedhur nga komisionet e ekspertëve të konkursit, prezantuan zgjidhjet e tyre inovative, duke përdorur të dhëna të hapura të ofruara nga NASA dhe partnerët e saj.

Presidentja Siljanovska-Davkova, duke i uruar për arritjet e rëndësishme, e shprehu kënaqësinë e saj për kreativitetin dhe kompetencën e ekipeve të Maqedonisë. Ajo e theksoi nevojën e angazhimit të mëtejshëm për përparimin e arsimit dhe shkencës në vendin tonë, duke përfshirë edhe sektorin hapësinor, për të cilin padyshim ka interes të madh dhe potencial të lartë tek brezat e rinj.

Në këtë drejtim, Presidentja shprehu gatishmërinë e saj për të kontribuar në zhvillimin dhe promovimin e këtij sektori në vendin tonë, nëpërmjet mbështetjes në organizimin e ngjarjeve tematike dhe vendosjes së kontakteve me vendet që kanë programe të përparuara hapësinore.

Në hakathonin në Strumicë, vendin e parë e fitoi ekipi “Space Banana”, projekti i të cilit fokusohet në edukimin për ekzoplanetet nëpërmjet lojës, e cila shpaloset si një rrëfim me prezantim vizual.

Vendi i dytë i takoi ekipit “AHSS Planet Explorers”, fokusi i të cilit është studimi i ekzoplaneteve ekzistuese, atmosferës, terrenit dhe klimës së tyre dhe vendi i tretë i takoi ekipit “Space Jam”, kushtuar vizualizimit të trupave hapësinorë të pozicionuar rreth Tokës.

Në Shkup, vendin e parë e fitoi ekipi “Alkor”, ueb faqja intuitive dhe interaktive e të cilit përmban burime, të dhëna dhe materiale për hulumtimin e stuhive gjeomagnetike dhe ndikimin e tyre në Tokë.

 

Категории

Categories

Kategori

Последни вести

Latest news

Lajmet e fundit