Presidentja Siljanovska Davkova sot në Baku, Republika e Azerbejxhanit mori pjesë në hapjen zyrtare të Konferencës së 29-të të palëve të Konventës së Kombeve të Bashkuara për ndryshimet klimatike.
Në hapjen zyrtare të samitit, e cila mbahet nën moton “Me solidaritet për një botë të gjelbër”, mbajtën fjalim Mukhtar Babayev, ministri i Ekologjisë dhe Burimeve Natyrore të Azerbajxhanit, si President i KOP29, Sajmon Stil, sekretari ekzekutiv i Konventës kornizë së Kombeve të Bashkuara për ndryshimet klimatike, si dhe presidenti i KOP28, ministri i Industrive dhe Teknologjive të Larta të EBA-s, sulltan Ahmed Al Xhaber.
Fokusi i bisedimeve ndërmjet përfaqësuesve të vendeve pjesëmarrëse në këtë Konferencë do të jetë sigurimi i financave të domosdoshme që të ndihmohen vendet në zhvillim me qëllim që të përshtaten me ndryshimet klimatike dhe që të zbatojnë masat e nevojshme për arritjen e qëllimeve klimatike.
Presidentja Siljanovska Davkova nesër do të mbajë fjalim në seancën e parë plenare të segmentit të nivelit të lartë për shefat e shteteve dhe të qeverive.
