Presidentja Gordana Siljanovska Davkova, në bazë të nenit 84 alineja e parë, kurse në përputhje me nenin 90 paragrafi 1 të Kushtetutës sot ia dorëzoi mandatin për krijimin e Qeverisë Kristijan Mickoskit, kryetarit të VMRO-DPMNE-së.
Në deklaratën e vet, Presidentja Siljanovska Davkova tha se afati kushtetues, sipas të cilit, Presidenti është i obliguar në afat prej dhjetë ditësh nga konstituimi i Kuvendit, mandatin për krijimin e Qeverisë t’ia japë kandidatit të partisë, përkatësisht partive që kanë shumicë në Kuvend.
Presidentja Siljanovska Davkova, duke kujtuar se gjatë konstituimit të Kuvendit, kryetari i Kuvendit është zgjedhur me 76 vota “për”, tha se ky rezultat dhe negociatat në vazhdim i japin të drejtë të bazuar të konsiderojë se lideri i VMRO-DPMNE-së, zoti Hristijan Mickoski ka një mundësi serioze për të formuar qeverinë, përkatësisht të fitojë 61 vota për programin e tij dhe për përbërjen e qeverisë që, nënkupton, do ta propozojë në 20 ditët e ardhshme.
“Prandaj, sot kam nderin dhe kënaqësinë, me siguri të besoj se hapin që po e ndërmarr, besimi i mandatit për krijimin e qeverisë zotit, prof. dr. Hristijan Mickoskit është një hap i vërtetë juridik dhe politik”, deklaroi Presidentja Siljanovska Davkova.
