Presidentja Gordana Siljanovska Davkova sot e mirëpriti ambasadoren e Rumanisë, Adela Monika Aksinte.
Në këtë takim u bisedua mbi marrëdhëniet e përgjithshme bilaterale, të cilat bazohen në miqësi dhe respekt të ndërsjellë, ndërsa bashkëpunimi i ndërsjellë karakterizohet nga dialogu politik konstruktiv dhe i hapur.
Në drejtim të thellimit të bashkëpunimit në sfera të ndryshme të interesit të përbashkët, Presidentja Siljanovska Davkova theksoi se mbetemi të përkushtuar në nxitjen e bashkëpunimit dinamik bilateral nëpërmjet dialogut politik, partneriteteve sektoriale, bashkëpunimit tonë në suazat e NATO-s dhe përpjekjeve të përbashkëta në iniciativat rajonale.
Në kontekstin e perspektivës evropiane, Presidentja Siljanovska Davkova shprehu falënderimin e sinqertë për mbështetjen e vazhdueshme të Rumanisë në rrugën tonë drejt BE-së dhe për gatishmërinë e riafirmuar për të ofruar ndihmë konkrete në të ardhmen.
