Presidentja Gordana Siljanovska Davkova, sot në Villën “Biljana” e mirëpriti udhëheqjen e manifestimit maqedonas ndërkombëtar muzikor-skenik “Vera e Ohrit dhe dirigjentin dhe violinistin lituan Xhulian Rahlin i cili do të marrë pjesë në hapjen solemne të edicionit të 64-t.
Duke i uruar një performancë të mirëseardhur dhe të suksesshme artistit me renome nga Lituania, Presidentja Siljanovska Davkova u njoh me karrierën mbresëlënëse dhe shumëvjeçare muzikore ndërkombëtare të Rahlin dhe shprehu kënaqësinë e saj që një artist i shquar dhe i kërkuar në të gjithë meridianët e botës do të performojë së bashku me Orkestrën e Filarmonisë maqedonase në ceremoninë e hapjes të këtij manifestimi të rëndësishëm muzikor për ne.
Presidentja shprehu pritshmërinë e saj që me performancën e vet artistët të lënë gjurmë të veçantë dhe mbresa të forta në edicionin e sivjetshëm të “Verës së Ohrit”. Ajo shprehu bindjen se repertori i pasur artistik i mbrëmjeve të ardhshme të festivalit do të kënaqë orekset muzikore të audiencës vendase dhe ndërkombëtare.
Në këtë takim, ku morën pjesë Ministri i Kulturës dhe Turizmi, Zoran Ljutkov, si dhe drejtoresha e IN “Vera e Ohrit”, Natasha Popoviq dhe përzgjedhëset Bisera Çadllovska dhe Sanja Arsovska, Presidentja Siljanovska Davkova theksoi se “Vera e Ohrit” si një nga evenimentet kulturore më cilësore dhe më të shquar në rajonin më të gjerë, ka një ndikim serioz në kulturën maqedonase dhe afirmimin ndërkombëtar të vendit.
