Presidentja Gordana Siljanovska Davkova e mirëpriti drejtoreshën e Bankës Botërore për Ballkanin Perëndimor, Shiaoçin Ju.
Në takim u shpreh kënaqësia nga bashkëpunimi aktual dhe partneriteti i fokusuar në zhvillimin ekonomik dhe zhvillimin e përgjithshëm të shoqërisë maqedonase.
Duke e theksuar rolin e jashtëzakonshëm të Bankës Botërore në tri dekadat e kaluara, Presidentja Siljanovska Davkova shprehu falënderim për projektet dhe iniciativat e përhershme në drejtim të fushave kryesore, klimës afariste punësimit, mbrojtjes sociale dhe promovimit të zhvillimit të gjelbër.
Të dy bashkëfolëset shkëmbyen mendime mbi Kornizën e partneritetit për periudhën 2024-2028, e cila paraqet një mundësi të shkëlqyer për thellimin e mëtejshëm të bashkëpunimit të ndërsjellë, duke kontribuar drejtpërdrejt në tejkalimin e sfidave aktuale dhe përmirësimin e cilësisë së jetës së qytetarëve maqedonas.
Në atë drejtim, Presidentja shprehu përgatitjen e saj për aktualizim të këtyre qëllimeve, promovimin e mëtejshëm të interesave tona ekonomike dhe shfrytëzimin e potencialeve të ardhshme.
