Presidentja Gordana Siljanovska Davkova e mirëpriti Eser Xhevahir, konsullin e nderit në Republikën e Turqisë.
Në këtë takim u bisedua mbi përparimin e relacioneve maqedonase-turke të cilat zhvillohen nëpërmjet llojeve të ndryshme të bashkëpunimit në fushat me interes të ndërsjellë për të dyja shtetet.
Konsulli i nderit i cili është zëvendëskryetar i MATTO – Oda Ekonomike e Maqedonisë-Turqisë e informoi Presidenten Siljanovska Davkova për aktivitetet e tij, si konsull nderi në drejtim të hapjes së mundësive të reja për bashkëpunim në shumë fusha sidomos në fushat ekonomike me qëllim të intensifikimit të bashkëpunimit midis bashkësive të biznesit në të dy vendet.
Presidentja Siljanovska Davkova e theksoi përkushtimin e vet për përparimin e mëtejshëm të marrëdhënieve të përgjithshme bilaterale ku e nënvizoi nevojën për krijimin e kushteve të nevojshme për thellimin e bashkëpunimit ekonomik nëpërmjet zmadhimit të shkëmbimit tregtar.
