Presidentja Gordana Siljanovska Davkova sot e mirëpriti shefin e Misionit të OSBE-së në Shkup, ambasadorin Kilian Val.
Në këtë takim u konfirmua rëndësia e bashkëpunimit afatgjatë me OSBE-në për mbështetjen e reformave maqedonase në fusha të ndryshme të parapara në mandatin e organizatës, ku Presidentja Siljanovska Davkova shprehu mbështetjen për aktivitetet në drejtim të përforcimit të bashkëpunimit dhe vendosjes së paqes në rajonin e OSBE-së.
Presidentja shprehu falënderim edhe për rolin e rëndësishëm të OSBE/ODIHR-it në proceset që lidhen me reformat zgjedhore, veçanërisht në përpjekjet për organizimin e zgjedhjeve të lira dhe të ndershme, duke i shtuar vlerë legjitimitetit, kredibilitetit dhe besueshmërisë së procesit.
Bashkëbiseduesit shprehën kënaqësinë për bashkëpunimin e OSBE-së me institucionet relevante maqedonase dhe shoqërinë qytetare, i cili është dinamik dhe produktiv, si dhe shprehën gatishmërinë për vazhdimin e bashkëpunimit edhe në të ardhmen për çështjet dhe sfidat që kanë të bëjnë me përparimin e vendit tonë.
