Presidentja Gordana Siljanovska Davkova sot e mirëpriti Anzhej Frangesh, të dërguarin special për Ballkanin Perëndimor të Republikës së Sllovenisë.
Në këtë takim u shpreh kënaqësia për marrëdhëniet dhe bashkëpunimin e shkëlqyer miqësor midis dy shteteve, me mbështetje dhe respekt të ndërsjellë.
Presidentja Siljanovska Davkova shprehu falënderim për mbështetjen e fuqishme dhe të hapur të Republikës së Sllovenisë për vendin tonë në rrugën e integrimeve evropiane dhe vlerësoi se me emërimin e të dërguarit special për Ballkanin Perëndimor, Sllovenia konfirmon përkushtimin e saj të fuqishëm në procesin integrues të rajonit tonë në Bashkimin Evropian.
Në këtë takim u bisedua edhe mbi rrjedhën e procesit reformues pas formimit të qeverisë së re. Në këtë kontekst, Presidentja Siljanovska Davkova vlerësoi se themelimi i Ministrisë për Çështje Evropiane është një hap që dëshmon përkushtimin e shtetit tonë ndaj agjendës evropiane.
Presidentja Siljanovska Davkova shprehu pritjen e saj për vazhdimin e përkrahjes sllovene në përmbushjen e përcaktimeve strategjike maqedonase.
