Presidentja Gordana Siljanovska Davkova sot i mirëpriti përfaqësuesit e këshillit organizues të Paradës së krenarisë 2024.
Presidentja Siljanovska Davkova u informua mbi aktivitetet e tyre të deritanishme, si dhe mbi planet e ardhshme që kanë për qëllim ngritjen e vetëdijes publike për respektimin e diversitetit, në kuadër të realizimit të të drejtave themelore të njeriut.
Në këtë takim u theksua domosdoshmëria e ndërtimit të një shoqërie gjithëpërfshirëse, mbrojtja e bashkësive të margjinalizuara, si dhe sfidat me të cilat ballafaqohen, si dhe u theksua nevoja e zbatimit efektiv të ligjeve në fushën e mbrojtjes nga diskriminimi.
