Presidentja Gordana Siljanovska Davkova sot e mirëpriti ambasadorin e Republikës së Sllovenisë, Gregor Presker.
Në këtë takim u shkëmbyen mendime për procesin e aderues të vendit për anëtarësim në Bashkimin Evropian, ku Presidentja tha se eurointegrimet maqedonase duhet të bazohet me patjetër në kriteret që vlejnë edhe për kandidatët e tjerë.
Në këtë drejtim, Presidentja e rikonfirmoi qëndrimin se procesi i integrimit evropian të vendit duhet të zhvillohet sipas parimit të meritës dhe me zbatim konsekuent të Kritereve të Kopenhagës.
Në këtë takim, bashkëbiseduesit shprehën gatishmërinë për intensifikimin e mëtejshëm të bashkëpunimit bilateral dhe veprimin e përbashkët rajonal me qëllim arritjen e prosperitetit ekonomik dhe ballafaqimin me sfidat globale.
Në këtë drejtim, u konstatua se Sllovenia është një nga partnerët dhe investitorët më të rëndësishëm tregtarë në vend, por se potenciali për bashkëpunim ekonomik nuk është shfrytëzuar plotësisht, kështu që intensifikimi i tij duhet të jetë një nga prioritetet kryesore të të dyja vendeve në të ardhmen.
Të dy bashkëbiseduesit e konfirmuan përkushtimin e tyre për bashkëpunim të mëtejshëm në kuadër të organizatave ndërkombëtare dhe promovimin e vlerave të përbashkëta të demokracisë, paqes dhe zhvillimit të qëndrueshëm në skenën globale.
