Presidentja Gordana Siljanovska Davkova sot i mirëpriti laureatin dhe fituesin e Kurorës së Artë të Mbrëmjeve Strugane të Poezisë për vitin 2024, Zhan Pjer Simeon, fituesen e çmimit “Vëllezërit Milladinovci”, Katica Qullavkova, fituesen e çmimit “Urat e Strugës”, Katrin Pic dhe fituesen e çmimit të rinovuar “Struga e re”, Filipa Sara Popova.
Në këtë takim morën pjesë Todorçe Tasevski, Drejtori i Mbrëmjeve Strugane të Poezisë, Elizabeta Sheleva, kryetarja e Këshillit drejtues të festivali dhe Jordan Plevnesh, ish-ambasadori maqedonas në Francë dhe shqipëruesi i poezisë së laureatit Zhan Pjes Simeon.
Duke theksuar se Mbrëmjet Strugane të Poezisë, me një ekzistencë prej më shumë se gjashtë dekadash dhe autenticitet, kanë primatin e një prej festivaleve më të vjetra dhe më domethënëse botërore të poezisë, Presidentja i përshëndeti për përmbajtjen e pasur programore të këtij viti dhe theksoi rëndësinë e tij të paçmueshme për prezantimin e krijimtarisë poetike maqedonase dhe botërore.
Në takim, Presidentja Siljanovska Davkova e përgëzoi laureatin e sivjetshëm, poetin, dramaturgun dhe eseistin francez Zhan Pier Simeon dhe fituesen e çmimit “Vëllezërit Miladinovci”, akademiken Katica Qullavkova, duke theksuar kontributin e tyre të rëndësishëm krijues, letrar dhe poetik, si dhe poetet e reja Katrin Pic dhe Filipa Sara Popova, duke shprehur pritshmërinë që këto çmime prestigjioze të përfaqësojnë inkurajim dhe nxitje për sukseset e tyre të mëtejshme ndërkombëtare.
Bashkëbiseduesit shkëmbyen mendime për rëndësinë dhe kontributin e Mbrëmjeve Strugane të Poezisë në afirmimin e përgjithshëm të shtetit dhe kulturës maqedonase, si dhe për rëndësinë e ngritjes së vazhdueshme të festivalit dhe hapjes së tij ndaj përmbajtjeve dhe formave të reja të prezantimit poetik.
Presidentja e përshëndeti rinovimin e çmimit “Struga e Re” si një mundësi për promovimin e autorëve dhe poetëve debutues të brezit të ri, si dhe botimin e një botimi special me alfabetin e Brajit të një përzgjedhjeje të poezive antologjike të Petre M. Andreevski, Gane Todorovski dhe Mateja Matevski, duke u respektuar kështu vlerëson inovacioni i alfabetit të Brajit dhe u mundësohet personave me shikim të dëmtuar të përjetojnë bukurinë e poezisë.
